ნორვეგიის დედაქალაქ ოსლოში მიმდინარე მოჭიდავეთა მსოფლიოს ჩემპიონატზე, ბერძნულ- რომაულ სახეობაში 67 კილოგრამ წონით კატეგორიაში მოასპარეზე რამაზ ზოიძემ აზერბაიჯანელი მეტოქე დაამარცხა და ბრინჯაოს მედალს დაეუფლა.
რამაზმა მედლის მოპოვებამდე დიდი გზა გაიარა, 1/8-ში ქართველმა სპორტსმენმა იტალიის სახელით მოასპარეზე ზაურ კაბალოევი 11:2 დაამარცხა, 1/4-ში სერბ მეტოქეს 8:1 სძლია, ნახევარფინალში კი ირანელ მეტოქესთან დამარცხდა. ბრინჯაოს მედლისთვის ბრძოლაში კი ზოიძემ აზერბაიჯანელი მეტოქე 8:0 დაამარცხა.
დღეს ასევე 21 წლის აჭარელმა ფალავანმა ლერი აბულაძემ საქართველოს ნაკრებს ვერცხლის მედალი მოუპოვა.
