დღეს გამთენიისას, UFC-ის ქართველმა მებრძოლმა, გიგა ჭიკაძემ უმაღლეს საბრძოლო ლიგაში მორიგი ბრძოლა გამართა და მთავარ დაპირისპირებაში, ბრაზილიელი ედსონ ბარბოსა ტექნიკური ნოკაუტით დაამარცხა.
ეს გიგასთვის UFC-ში ზედიზედ მე-7 მოგება იყო და ასევე, ზედიზედ მესამე ნოკაუტით გამარჯვება.
დღევანდელი ორთაბრძოლის შემდეგ გიგას პრიზად სოლიდური რაოდენობის თანხა ერგო – დაახლოებით 200 ათასი დოლარი. აქედან, 72 ათასი არის გარანტირებული თანხა, 72 ათასი მოგების ბონუსი, 50 ათასი სანახაობის ბონუსი, 6 ათასი კი სპონსორისგან.
