საქართველოს ეროვნული ნაკრები ამხანაგურ შეხვედრაში ბულგარეთის ნაკრებს დაუპირისპირდა და ანგარიშით 4:1 დამარცხდა.
ჩვენი გუნდის შემადგენლობიდან ერთადერთი გოლის გატანა ზურიკო დავითაშვილმა მოახერხა. 20 წლის ფეხბურთელმა მატჩის შემდეგ საკუთარ სოციალურ ქსელში პოსტი გამოაქვეყნა:
„ძნელია მსგავსი შედეგის შემდეგ უთხრა გულშემატკივარს რამე, ბევრი რაღაც არ გამოგვივიდა და რა თქმა უნდა ყველა განვიცდით, მაგრამ არის ფეხბურთში მსგავსი მომენტები და ყველაფერს გავაკეთებთ იმისთვის, რომ ეს ყველაფერი გამოსწორდეს!!“- განაცხადა ზურიკო დავითაშვილმა
შეგახსნებთ, რომ ბულგარეთის ნაკრებთან გატანილი გოლი ზურიკოსთვის საქართველოს ნაკრებში სადებიუტო იყო. 20 წლის ფეხბურთელი ამჟამად ტულას „არსენალში“ იჯარის წესით თამაშობს, ისე კი ყაზანის „რუბინის“ საკუთრებაა.
