საქართველოს ფუტზალის ნაკრები 2021 წლის მეორე მატჩისთვის ემზადება. ავთანდილ ასათიანის გუნდს, 5 მარტს უმნიშვნელოვანესი და უპრინციპულესი დაპირისპირება ელის. ევროპის ჩემპიონატის საკვალიფიკაციო მატჩში საქართველოს ნაკრების მეტოქე სომხეთის გუნდი იქნება.
შეგახსენებთ, საქართველოს ფუტზალის ნაკრები ჯგუფში ორი ტურის შემდეგ ერთი ფრით მესამე ადგილზეა. 8 დეკემბერს, ქართველი ფეხბურთელები პარიზში საფრანგეთის წინააღმდეგ დაძაბულ მატჩში ფრეს (4:4) გამორჩნენ, შემდეგ კი 2 თებერვალს თბილისის ოლიმპიურ სასახლეში რუსეთის მრისხანე გუნდთან ვერაფერს გახდნენ და 0:4 წააგეს.
რაც შეეხება სომხებს, მათაც ფრანგებთან იდენტური ანგარიშით ფრე ითამაშეს, ხოლო რუსეთთან 0:6 განადგურდნენ.
საქართველოს და სომხეთის ფუტზალის ნაკრებები ერთმანეთს 5 მარტს თბილისში დაუპირისპირდებიან.
