მელბრუნი, მოვლენების ეპიცენტრი ავსტრალიის ღია პირველობის დაწყებამდე გახდა. კარანტინთან დაკავშირებით ჩოგბურთელთა პრეტენზიებს საზღვარი არ აქვს. სერბმა ჩოგბურთელმა ნოვაკ ჯოკოვიჩმა სცადა კოლეგები დაეცვა და ორგანიზატორებს მათი ყოფის შემსუბუქება მოთხოვა, თუმცა პასუხად მკაცრი კრიტიკა მიიღო.
მსოფლიოს პირველი ჩოგნისგან არ დააყოვნა პასუხის პასუხმაც.
„კოლეგების მიმართ თანადგომა გამოვხატე, ეს კი რატომღაც ეგოიზმად და უპატივცემულობად ჩამითვალეს. ხანდახან ბევრი რამ სხვაგვარად ესმით. არაერთხელ მიფიქრია, ხომ არ გავდგე განზე და შევეშვა იმ საკითხებს, რაც მე არ მეხება, დავტკბე ცხოვრებით, ვიზრუნო მხოლოდ ოჯახზე, საკუთარ თავზე, ვიფიქრო მომავალზე და სხვისი პრობლემები დავივიწყო. არ შემიძლია ამის გაკეთება, მაშინ მე ნოვაკ ჯოკოვიჩი არ ვიქნებოდი.
მე გულწრფელად ვზუხვარ კოლეგების ბედზე, რომლებიც გამოკეტილები არიან, მაგრამ ამავდროულად ვხედავ და ვათვითცნობიერებ თუ რა ხდება მსოფლიოში. დღევანდელ მდგომარეობამდე დიდი შრომის და წვალების შემდეგ მივედი. არასოდეს დამავიწყდება ის რთული პერიოდი, როდესაც ჯერ კიდევ პატარა უცნობი ბავშვი ვიყავი. ამიტომაც არ შემიძლია ასე მშვიდად ვიჯდე და ხმა არ ამოვიღო. სწორ ნაბიჯად მიმაჩნია, შეძლებისდაგვარად გამოვიყენო ჩემი პრივილეგიები, რათა მათ დავეხმარო.
მე მსურდა კარანტინი, მათთან ერთად მელბურნში გამევლო, რათა ყველა ერთ პირობებში ვყოფილიყავით, მაგრამ უარი მითხრეს. ამიტომაც ვარ ადელაიდაში“ – აღნიშნავს ნოვაკ ჯოკოვიჩი.
