მსოფლიოს პირველმა ჩოგანმა, ნოვაკ ჯოკოვიჩმა დანიური ბიოტექნოლოგიური კომპანია – Quant Biol Res-ი შეიძინა. ამის შესახებ ინფორმაციას არაერთი ავტორიტეტული ევროპული გამოცემა ავრცელებს.
გავრცელებული ცნობებით, სერბი ჩოგბურთელი აღნიშნული კომპანიის აქციების 80%-ის მფლობელი გახდა, რაც ავტომატურად საკონტროლო პაკეტის მფლობელობასაც ნიშნავს. Quant Biol Res-ი კი იმით არის გამორჩეული, რომ ამ კომპანიაში კორონავირუსის საწინააღმდეგო პრეპარატები იქმნება.
შეგახსენებთ, რომ რამდენიმე დღის წინ ავსტრალიის მთავრობამ ნოვაკ ჯოკოვიჩის დეპორტირების გადაწყვეტილება მიიღო, რის გამოც „ნოლე“ ავსტრალიის ღია პირველობაზე მონაწილეობას ვერ იღებს. სერბი ჩოგბურთელი კოვიდ 19-ის საწინააღმდეგო ვაქცინის გაკეთების კატეგორიული წინააღმდეგია, რამაც მას ავსტრალიის ტერიტორიაზე შესვლაში ხელი შეუშალა.
