10-წლიანი მადრიდული კარიერა დასრულდა. საფრანგეთის ნაკრების 28 წლის ფეხბურთელი რაფაელ ვარანი მადრიდის “რეალიდან” კარიერას მანჩესტერ “იუნაიტედში” გააგრძელებს.
ინგლისურმა გუნდმა სამეფო კლუბს ფრანგ ფეხბურთელში 50 მილიონი ევრო გადაუხადა. გამოცდილმა მცველმა ოლეგ გუნარ სულშერის კლუბთან 5-წლიანი კონტრაქტი გააფორმა.
28 წლის ფრანგი მადრიდის “რეალში” 2011 წელს ჩაირიცხა და სერხიო რამოსთან ერთად შესანიშნავი დაცვის ტანდემი შექმნა. ვარანმა სამეფო კლუბში 4 ჩემპიონთა ლიგა, 3 ლა ლიგა, 1 კოპა დელ რეი, 3 ესპანეთის სუპერ თასი, 4 მსოფლიოს საკლუბო ჩემპიონატი და 3 ევროპის სუპერ თასი მოიგო. მსოფლიოს ჩემპიონმა მადრიდულ გრანდში 360 შეხვედრა ჩაატარა.
𝗕𝗼𝗻𝘀𝗼𝗶𝗿, 𝗥𝗲𝗱𝘀 👋
We have agreed a deal in principle for the transfer of @RaphaelVarane to United! 🔴⚪️⚫️#MUFC
— Manchester United (@ManUtd) July 27, 2021
