მადრიდის „ატლეტიკომ“ დიეგო კოშტას კონტრაქტი გაუწყვიტა. ინფორმაცია „როხიბლანკოს“ ოფიციალურმა ვებ-გვერდმა დაადასტურა. მათივე ცნობით, კონტრაქტის გაწყვეტა თავად 32 წლის თავდამსხმელმა მოითხოვა, მიზეზად კი პირადი პრობლემები დაასახელა.
„დიეგო კოშტას კარიერის ახალ ეტაპზე წარმატებას ვუსურვებთ“, – ნათქვამია კლუბის მიერ გავრცელებულ განცხადებაში.
საგულისხმოა, რომ რამდენიმე დღის წინ, უცხოურ პრესაში აქტიურად იწერებოდა დიეგო კოშტას ლონდონის „არსენალში“ გადასვლის შესახებ. კონტრაქტის გაწყვეტა კი სავარაუდოდ ამის მომასწავებელი უნდა იყოს.
