ოფიციალურად სერხიო აგუერომ საფეხბურთო კარიერა ნაადრევად დაასრულა.
33 წლის ფეხბურთელმა ამგვარი გადაწყვეტილება გულთან დაკავშირებული პრობლემების გამო მიიღო. ოქტომბრის ბოლოს, “ალავესის” წინააღმდეგ ესპანეთის ჩემპიონატის მატჩის დროს, არგენტინელმა თავი ცუდად იგრძნო და ის სასწრაფოდ საავადმყოფოში გადაიყვანეს. ექიმებმა ტაქიკარდიის დიაგნოზი დაუსვეს.
სერხიო აგუერო ტირილით აცხადებს, რომ თავისი ჯანმრთელობა პირველ ადგილზეა.
“სამედიცინო პერსონალმა მითხრა, რომ ჯობია შევწყვიტო თამაში და ამიტომ ახლა ვტოვებ ბარსას და მთლიანად ფეხბურთს. შემდეგ ცხოვრებაში არ ვიცი, რა მელოდება. ვიცი, რომ ბევრი ადამიანი მიყვარს და ჩემთვის ყველას საუკეთესო უნდა”, – განაცხადა არგენტინელმა ვარსკვლავმა.
მან თავის საფეხბურთო კარიერაში ჯამში 786 მატჩი ჩაატარა 426 გოლი
გაიტანა და 118 საგოლე პასი დააგროვა.
