პირველ ცდაზე ვერა, მაგრამ მეორეზე თანამემამულეები კი გაიხარა და ამით თავადაც ბედნიერი დარჩა. ნოვაკ ჯოკოვიჩზე მოგახსენებთ, რომელმაც როლან გაროსის წინ მშვენიერი გენერალური რეპეტიცია გაიარა და ბელგრადის ღია პირველობის 250-იანი კატეგორიის ტურნირის ჩემპიონი გახდა.
შეგახსენებთ, სერბეთის დედაქალაქში ანალოგიური ტურნირი ერთი თვის წინაც გაიმართა, თუმცა ნოლეს იქ ნახევარფინალში ხელი მოეცარა, როდესაც მოულოდნელად ასლან კარაცევთან წააგო.
სამაგიეროდ, მაშინდელი იმედგაცრუება ახლა მორიგი ტიტულით შეცვალა და კარიერაში ATP-ის ტურნირი 83-ედ მოიგო. რაც შეეხება გრუნტზე მოგებულ ტიტულებს, თიხის საფარზე სერბმა ჩოგბურთელმა ამის გაკეთება მეთექსვსმეტედ შეძლო.
ფინალში ნოვაკ ჯოკოვიჩმა რეიტინგის 255-ე ნომერი სლოვაკი ალექს მოლჩანი დაამარცხა ორ სეტში – 6:4, 6:3 დაამარცხა.
ამრიგად, მსოფლიოს პირველი ჩოგანი როლან გაროსს იდეალურ განწყობაზე ხვდება.
