29 წლის ქართველი ჩოგბურთელი ნიკოლოზ ბასილაშვილი ველსის ტურნირზე წარმატებული სვლის შემდეგ ავსტრიის დედაქალაქ ვენაში დაგეგმილ ტურნირზე ისაპარეზებს.ამ ტურნირის საპრიზო ფონდი 1 550 950 ევროა და 25-31 ოქტომბერს ჩატარდება.
ბასილაშვილი თამაშს ძირითადი ბადიდან დაიწყებს.
ცნობისთვის, ქართველ ჩოგბურთელს ვენის ტურნირი 2015 წლიდან მოყოლებული არ გამოუტოვებია. 2016 წელს ბასილაშვილს იქ ჩეხი ტომაშ ბერდიხისთვის აქვს მოგებული. გასულ წელს ნიკამ ვენაში საკვალიფიკაციო ბადეში ითამაშა, თუმცა, პირველივე წრეში სლოვაკ ნორბერტ გომბოსთან წააგო.
ტურნირისმოქმედი ჩემპიონი კი რუსი ანდრეი რუბლიოვია.
შეგახსენებთ, რომ ATP-ს რეიტინგში ნიკოლოზი 2 066 ქულით 27-ე ადგილზე იმყოფება. ბასილაშვილის საუკეთესო შედეგი კი მე-16 პოზიციაა, რომელზეც 2019 წლის მაისში იმყოფებოდა.
