29 წლის ქართველი ჩოგბურთელი ნიკოლოზ ბასილაშვილი ვენის საერთაშორისო ტურნირის მერვედფინალში ისაპარეზებს. ნიკამ პირველ ეტაპზე მსოფლიოს მე-18 ჩოგანი პაბლო კარენო ბუსტასი 2 საათსა და 31 წუთში 7:5, 4:6, 6:3 დაამარცხა.
ქართველმა ჩოგბურთელმა 9 ეისი მოაწოდა და 4 ორმაგი შეცდომა ჰქონდა. ნიკასთვის ბადესთან 6-დან 5 გათამაშება დაასრულა სათავისოდ. ბასილაშვილმა 9-დან 2 ბრეიკ-პოინტი გამოიყენა, თავად კი მოწოდება ერთხელ დათმო.
ქართველი ჩოგბურთელის მეტოქე მერვედფინალში დღეს საღამოს გაირკვევა.
აღსანიშნავია, რომ დღეს ATP-ის განახლებულ რეიტინგში ბასილაშვილი კიდევ 2 პოზიციით დაწინაურდა და 2 066 ქულით 25-ე ადგილზეა.
