29 წლის ქართველი ჩოგბურთელი ნიკოლოზ ბასილაშვილი საფრანგეთის ქალაქ მეცში გასამართ საერთაშორისო ტურნირში ჩაებმება, რომლის საპრიზო ფონდიც 481 270 ევროა.
ბასილაშვილი ამ ტურნირზე მე-8 ნომრად არის განთესილი და პირველ წრეში მსოფლიოს 66-ე ჩოგანს იტალიელ ჯანლუკა მაგერს დაუპირისპირდება.
გამარჯვების შემთხვევაში ნიკოლოზი მერვედფინალში ფრანგ ჟილ სიმონსა და ესპანელ ალეხანდრო დავიდოვიჩ ფოკინას შორის გამარჯვებულს შეხვდება.
მეცის საერთაშორისო ტურნირზე ნიკოლოზმა ყველაზე წარმატებულად 2017 წელს ითამაშა, როდესაც ნახევარფინალამდე მივიდა და ფრანგ ბენუა პერთან წააგო. 2018 და 2019 წლებში ნიკოლოზმა მეოთხედფინალში ისაპარეზა, შარშან კი ტურნირი კოვიდ-პანდემიის გამო არ ჩატარებულა.
