წლის პირველი დიდი სლემის ტურნირამდე კვირაზე ოდნავ მეტი რჩება. მონაწილეებმა სავალდებულო კარანტინი უკვე გაიარეს და მეიჯორისთვის მზადების დასკვნით ფაზაში შედიან. ერთ-ერთი ასეთი ტურნირი კი მელბურნის Great Ocean Road Open-ია, რომელიც 250 კატეგორიას განეკუთვნება და საპრიზო ფონდი 320 ათას ამერიკულ დოლარს შეადგენს.
ტურნირის ფავორიტად, რომელიც 1 თებერვალს აიღებს სტარტს დევიდ გოფინია მიჩნეული. შესაბამისად ბელგიელ მეჩოგნესაც პირველი განთესვა აქვს. შეჯიბრში ასევე მონაწილეობას მიიღებენ ჯონ ისნერი, კარენ ხაჩანოვი, ფელისიანო ლოპესი და სხვა გამოჩენილი ჩოგბურთელები. ჩვენთვის საინტერესო კი რა თქმა უნდა ნიკოლოზ ბასილაშვილია.
ქართველი ჩოგბურთელი ტურნირზე მეხუთე ნომრად განთესეს და ტურნირში მეორე წრიდან ჩაერთვება. მისი მეტოქე გერმანელ იანიკ ჰაფმანსა და ესპანელ მარიო ვილელა მარტინესს შორის უკეთესი იქნება.
