ცნობილმა გამოცემა RugbyPass-მა 12 საუკეთესო 8 ნომერი შეარჩია, სადაც მამუკა გორგოძეც შეიყვანეს და რაგბის დიდების დარბაზშიც ჩაწერეს.
ამ სიაში რაგბის ისეთი ლეგენდები შეიყვანეს, როგორებიც არიან: კირან რიდი, ზინზან ბრუკი, სერ უეინ შელფორდი, როდნი სო’ოიალო, დუეინ ვერმიულენი, ბობი სკინსტადი, ლოურენს დალალიო, სებასტიენ შაბალი, სერჯიო პარისე, სკოტ ქვინელი, პიერ სპისი.
რაგბის გულშემატკივრებს RugbyPass-ის ვებ-გვერდზე მამუკა გორგოძისთვის ხმის მიცემა შეუძლიათ. ამისთვის საჭიროა აღნიშნულ საიტზე დარეგისტრირება. ხმის მიცემა უკვე დაწყებულია და ჯერჯერობით აფრიკელი ვერმიულენი ლიდერობს. მამუკა გორგოძე კი ჯერ მე-7 ადგილზეა. ხმის მიცემა 9 დეკემბერს დასრულდება.
ცნობისთვის, მამუკა გორგოძემ საქართველოს ეროვნულ ნაკრებში 75 ითამაშა და 27 ლელო დააგროვა. ქართული რაგბის ლეგენდას კარიერის განმავლობაში “ლელოში”, “მონპელიეში” და “ტულონში” უთამაშია.
