ტოკიოს ოლიმპიური თამაშების ჩემპიონმა, ლაშა ბექაურმა დღევანდელი ღონისძიების შემდეგ მედიასთან მცირე კომენტარი გააკეთა და საქართველოს მთავრობას დაწესებული ფულადი ჯილდოსთვის მადლობა გადაუხადა.
„ძალიან მოულოდნელი და სასიხარულო იყო. მინდა, მადლობა გადავუხადო მათ იმისათვის, რომ აფასებენ სპორტსმენებს. ეს ჩვენთვის დიდი მოტივაციაა, რომ კიდევ ბევრი მედალი მოვუტანოთ ჩვენს სამშობლოს.
ოქროს მედლის მოგება ტრავმასთან ერთად გამიჭირდა, რადგან ოლიმპიადა იყო, მაგრამ მოგების სურვილი იმდენად დიდი იყო, რომ ეს ტრავმა თითქმის ვერ ვიგრძენი“, – აღნიშნა ბექაურმა.
შეგახსენებთ, რომ საქართველოს მთავრობის გადაწყვეტილებით, ოლიმპიურ ჩემპიონებს ლაშა ბექაურსა და ლაშა ტალახაძეს საჩუქრად 1 მილიონი ლარი გადაეცემათ. ვერცხლის მედლის პრიზიორებს – ვაჟა მარგველაშვილს, ლაშა შავდათუაშვილს, გურამ თუშიშვილს, იაკობ ქაჯაიას და გენო პეტრიაშვილს 500 ათასი ლარი, ბრინჯაოს მედლის პრიზიორს, ანტონ პლესნოის კი 250 ათასი ლარი.
