ყაზანში მიმდინარე ძიუდოისტთა გრანდ-სლემზე, ლუკა მაისურაძემ (90კგ) ბრინჯაოს მედალი მოიპოვა.
ნიჭიერი ახალგაზრდა ქართველი ძიუდოისტი უფრო მაღალი სინჯის მედალსაც იმსახურებდა, რადგან ნახევარფინალამდე მართლაც ერთი ამოსუნთქვით მივიდა და ფინალამდე სულ ცოტა დააკლდა. ვინ იცის, იქ იქნებ ოქროს მედლისთვისაც გამოეკრა ხელი, თუმცა არც მესამე ადგილია ურიგო და მას გარჯა აუცილებლად უნდა დავუფასოთ.
რაც შეეხება ბრინჯაოს მედლისთვის ბრძოლას, ლუკა მაისურაძემ ფრანგი ალექს კლერგეტი დაჯაბნა და კვარლცხბეკის მესამე საფეხურზეც დამსახურებულად ავიდა.
ამრიგად, ლუხუმ ჩხვიმიანის ოქროს და ნუგზარ ტატალაშვილის ბრინჯაოს შემდეგ, ქართულ ყულაბაში კიდევ ერთი მედალი ჩაჩხრიალდა.
