26-28 მარტს თბილისში მსოფლიო გრანდ სლემი გაიმართება. ცოტა ხნის წინ ცნობილი გახდა, რომ ტურნირზე საასპარეზოდ ლეგენდარული ფრანგი ძიუდოისტი, ტედი რინერი დარეგისტრირდა.
ლოგიკურია, რომ რინერს ოლიმპიადისთვის სალიცენზიო ქულები სჭირდება და სწორედ ამიტომ გადაწყვიტა ფრანგმა თბილისში გასამართ ტურნირზე ასპარეზობა. თბილისის გრანდ სლემი ოლიმპიადამდე ერთ-ერთი ბოლო შეჯიბრია და ძიუდოისტებისთვის სალიცენზიო ქულების მოსაპოვებლად მნიშვნელოვანი იქნება.
შეგახსენებთ, რომ გრანდ სლემი თბილისში პირველად ჩატარდება. აქამდე ჩვენი დედაქალაქი ტრადიციულად, ძიუდოს მსოფლიო გრან პრის მასპინძლობდა, თუმცა ძიუდოს საერთაშორისო ფედერაციის რეკომენდაციით, ქართულმა მხარემ გრანდ სლემის ჩატარების გადაწყვეტილება მიიღო. ბუნებრივია, გრანდ სლემი გრან პრიზე პრესტიჟულობით ბევრად მაღლა დგას და შესაბამისად, საორგანიზაციო მხარეც ფინანსურად შედარებით ძვირი ჯდება.
