ტოკიოს ოლიმპიურ თამაშებზე ძიუდოს შეჯიბრის დასრულების შემდეგ, IJF-მა განახლებული რეიტინგი გამოაქვეყნა.
ოლიმპიურმა ჩემპიონმა ლაშა ბექაურმა -90 კგ წონით კატეგორიაში მე-4 ადგილიდან მე-2 ადგილზე გადმოინაცვლა.
-66 კგ წონით კატეგორიაში ტურნირის ვიცე-ჩემპიონი ვაჟა მარგველაშვილი მე-3 ადგილზე დაწინაურდა.
ლაშა შავდათუაშვილი თავის წონაში მე-2 ადგილზე გადავიდა. მან რეიტინგში აზერბაიჯანელ რუსტამ ორუჯოვს გადაუსწრო.
გურამ თუშიშვილმა 7415 ქულა დააგროვა და მძიმე წონაში ლუკაშ კრპალეკის შემდეგ მე-2 ადგილს იკავებს. 
პირველი ადგილი შეინარჩუნა საქართველოს ნაკრების კაპიტანმა ვარლამ ლიპარტელიანმა.
კვლავ მე-3 ადგილს იკავებს მსოფლიოს მოქმედი ვიცე-ჩემპიონი ტატო გრიგალაშვილი.
5363 მოგროვებული ქულით ლუხუმ ჩხვიმიანი მე-9 ადგილზე დაწინაურდა. 
მე-16 ადგილი დაიკავა ოლიმპიური თამაშები დებიუტანტმა ეთერ ლიპარტელიანმა.
ტატიანა ლევიცკა-შუკვანმა 31-ე ადგილი შეინარჩუნა.
