აზერბაიჯანის დედაქალაქი ბაქო 5-7 ნოემბერს ძიუდოს მორიგ გრანდ სლემს უმასპინძლებს. აღნიშნულ ტურნირზე საქართველოს სახელით 11 ძიუდოისტი იასპარეზებს. აღსანიშნავია, რომ მათ შორის მოქმედი ოლიმპიური ჩემპიონი ლაშა ბექაური იქნება.
საქართველოს ნაკრების შემადგენლობა ასეთია:
კაცები:
60 კგ: ჯაბა პაპინაშვილი, ლუხუმ ჩხვიმიანი
66 კგ: ვაჟა მარგველაშვილი
73 კგ: ლაშა შავდათუაშვილი
81 კგ: თორნიკე ფოლადაშვილი, გიორგი შერაზადიშვილი
90 კგ: ლაშა ბექაური, ბექა ღვინიაშვილი
+100 კგ: გურამ თუშიშვილი
ქალები:
-52 კგ: მარიამ ჯანაშვილი, მზია ბებოშვილი
აღსანიშნავია, რომ დიდ ხნიანი პაუზის შემდეგ მზია ბებოშვილი ტატამს უბრუნდება. ასევე სასიამოვნოა სიაში ახალგაზრდებს შორის მოქმედი მსოფლიოს ჩემპიონის გიორგი შერაზადიშვილის ხილვა.
ოლიმპიადის შემდეგ ლუხუმ ჩხვიმიანი, ლაშა შავდათუაშვილი და გურამ თუშიშვილი ტურნირზე პირველად იასპარეზებენ. ასევე ბექა ღვინიაშვილი მსოფლიოს ჩემპიონატი შემდეგ ძიუდოს მსოფლიოს ტურზე პირველად გამოვა. დიდი ხნიანი პაუზის შემდეგ 2018 წლის ახალგაზრდების მსოფლიოს ჩემპიონი ჯაბა პაპინაშვილი ბრუნდება.
მოკლედ, ამ ტურნირზე ძალიან ძლიერი შემადგენლობით ვიასპარეზებთ და იმედი ვიქონიოთ, რომ ჩვენი ძიუდოისტები სამშობლოში ბევრი მედლით დაბრუნდებიან.
საგულისხმოა, რომ განაცხადი წინასწარია და ნებისმიერ დროს შეიძლება შეიცვალოს.
