“სუნთქავს და საუბარი შეუძლია”, – აგენტის კომენტარი ერიქსენის მდგომარეობაზე

კრისტიან ერიქსენი სუნთქავს და ლაპარაკობს, მან გაიღვიძა და გონზე მოვიდა – თქვა ფეხბურთელის აგენტმა მარტინ შუტსმა ერიქსენის მამასთან საუბრის შემდეგ ერთ-ერთი რადიოს პირდაპირ ეთერში.

უეფამ კი გაავრცელა ცნობა, რომ კრისტიან ერიქსენი კოპენჰაგენის კარდიოლოგიური კლინიკის რეანიმაციულ განყოფილებაშია მოთავსებული, მის სიცოცხლეს საფრთხე აღარ ემუქრება და ამჟამად გამოკვლევები უტარდება…

საფეხბურთო სამყარო დიდ ტრაგედიას გადაურჩა: ევრო 2020-ის დანია – ფინეთის მატჩისას კრისტიან ერიქსენი მოედანზე უგონოდ დავარდა და… მოედანზევე ჩატარებული რეანიმაციული ღონისძიებებისა და დეფიბრილატორის გამოყენების შედეგად ფეხბურთელი ამ ქვეყნად მოაბრუნეს და საავადმყოფოში გადაიყვანეს. კადრები შოკისმომგვრელი იყო. საბედნიეროდ ყველაფერი კარგად დამთავრდა.

დანია – ფინეთის მატჩი ერთსაათიანი პაუზის შემდეგ განახლდა.