24 იანვარს, გამთენიისას UFC-ის გულშემატკივარი კონორ მაკგრეგორის ნანატრ ბრძოლას იხილავს. UFC 257-ზე კონორისა და დასტინ პორიეს მატჩ-რევანში შედგება, რომელსაც მაყურებელი მოუთმენლად ელის.
მოდით გავიხსენოთ ირლანდიელი მებრძოლის 5 დასამახსოვრებელი გამარჯვება, რომელიც მან UFC-ში ყოფნის პერიოდში მოიპოვა.
5. ჩედ მენდესი, UFC 189
2015 წლის ივლისში კონორს ნახევრადმსუბუქ წონით კატეგორიაში, იმდროინდელ ჩემპიონთან, ჟოზე ალდოსთან უნდა ეჩხუბა, თუმცა ბრძოლა ამ უკანასკნელის ტრავმის გამო გაუქმდა. სანაცვლოდ, ირლანდიელ მებრძოს UFC-ის პრომოუტერებმა ბრძოლა ჩედ მენდესთან დაუგეგმეს. იმ დროს, გულშემატკივართა უმრავლესობა ფიქრობდა, რომ კონორს უდიდესი გამოცდა ელოდა, რადგან მენდესის ძლიერი მხარე ჭიდაობა იყო, რაც კონორთან დიდ უპირატესობას ქმნიდა. საბოლოოდ, კონორი ოქტაგონზე გამოვიდა და მენდესი „მაგრად მიგვება“.
4. დონალდ სერონი, UFC 246
ხაბიბ ნურმაგომედოვთან განცდილი მარცხის შემდეგ, კონორი ოქტაგონს 15-თვიანი პაუზის შემდეგ დაუბრუნდა. მისი პირველი მეტოქე, გასულ წელს დონალდ სერონი, იგივე სერონ „კოუბოი“ იყო. UFC 246-ის დასკვნით ღონისძიებაში კონორი მეტოქეს მხეცივით ეტაკა. ბრძოლის დაწყებისთანავე მაკგრეგორმა სერონს მუშტები დააყარა და ზუსტად 40 წამში შეხვედრა ნოკაუტით მოიგო.
3. ნეით დიასი, UFC 202
2016 წლის მარტში კონორმა წონა გამოიცვალა. მსუბუქ კატეგორიაში მას საჩემპიონო ბრძოლა რაფაელ დოს ანიოსის წინააღმდეგ უნდა გაემართა, თუმცა ნახევრადმსუბუქ წონაში გადავიდა და მის მაგივრად ბრაზილიელ მებრძოლს, ნეით დიასს შეხვდა. სწორედ დიასი იყო, რომელმაც კონორს UFC-ში პირველი მარცხი აგემა, თანაც მეორე რაუნდში. ბრაზილიელს ბრძოლისთვის მოსამზადებლად მხოლოდ ორი კვირა ჰქონდა, თუმცა მან მსოფლიოს შოკში ჩაგდება მოახერხა.
იმავე წლის აგვისტოში, მაყურებელმა მაკგრეგორი-დიასის მატჩ-რევანში იხილა. იმ ბრძოლაში კონორი საგრძნობლად უკეთ გამოიყურებოდა. პირველ ორ რაუნდში ირლანდიელმა მეტოქე სამჯერ გაგზავნა ნოკდაუნში. ბრძოლა საბოლოოდ 5 რაუნდი გაგრძელდა და მაკგრეგორმა მსაჯების გადაწყვეტილებით მოიგო.
2. ჟოზე ალდო, UFC 194
მენდესთან გამარჯვების შემდეგ გულშემატკივარმა კონორისა და ჟოზე ალდოს ნანატრი ბრძოლა იხილა. ალბათ ყველას ახსოვს ის დასამახსოვრებელი ეპიზოდი, როდესაც კონორმა ალდო ნოკაუტში ჩააგდო. ირლანდიელმა მართლა წარმოუდგენელი რამ შეძლო, რითაც ალდოს მსუბუქი წონითი კატეგორიის დიდება ჩამოართვა. თანაც ეს მხოლოდ 13 წამში გააკეთა. კონორის მარცხენამ ალდო სენსაციურ ნოკაუტში ჩააგდო, ამავდროულად კი მსოფლიო რეკორდი დაამყარა UFC-ში ყველაზე სწრაფად მოგებულ ორთაბრძოლებში. აქამდე ეს რეკორდი რონდა როუზს ეკუთვნოდა. სწორედ ამ ბრძოლამ განამტკიცა მისი სტატუსი, რომ გახდებოდა UFC-ის ყველაზე პოპულარული მებრძოლი.
1. ედი ალვარესი, UFC 205
ნეიტ დიაზზე შურისძიების შემდეგ, კონორმა 2016 წლის ბოლოს ნანატრი საჩემპიონო ქამარიც მიიღო.
ნოემბერში მაკგრეგორი იმდროინდელ მსუბუქი წონითი კატეგორიის ჩემპიონს, ედი ალვარესს შეხვდა და დამაჯერებლად, ზედმეტი კითხვის ნიშნების გარეშე მოუგო. ბრძოლა მხოლოდ ორი რაუნდი გაგრძელდა, საბოლოოდ კი ირლანდიელმა ნოკაუტით გაიმარჯვა. ედი ალვარესს თავიდანვე ეტყობოდა, რომ განწირული იყო, რადგან კონორი მთელი ბრძოლის განმავლობაში დომინირებდა და ალვარესთან კომბინაციებს ერთის მიყოლებით აწყობდა.
ამ ბრძოლის შემდეგ კონორ მაკგრეგორი გახდა UFC-ის პირველი მებრძოლი, რომელმაც ჩემპიონობა ერთდროულად ორ წონით კატეგორიაში მოიპოვა. თამამად შეგვიძლია ვთქვათ, რომ ეს მაკგრეგორის კარიერის პიკი იყო.
