„ბარსელონას“ ყოფილი მთავარი მწვრთნელი კიკე სეტიენი ამჟამად უმუშევარია, თუმცა არა გვგონია შიმშილით კვდებოდეს. მას ფული საკმარისად ექნება, მაგრამ უფრო მეტიც ხომ არ აწყენდა.
ჰოდა, ადგა კიკე ბატონი და კატალონიურ კლუბს შეუთვალა, ეგრე მარტივადაც არ არის საქმე, რომ გამაგდეთ კონტრაქტის ამოწურვამდე კონპენსაცია მეკუთვნისო. სეტიენი „ბარსელონას“ 4 მილიონ ევროს თხოვს.
„ბარსელონას“ ბოსები 62 წლის სეტიენთან ამ მხრივ მოლაპარაკებებს აწარმოებენ და ცდილობენ სასამართლოში ჩივილი გადააფიქრებინონ, თუმცა უშედეგოდ. ისე, ფაქტია, კატალონიურ გრანდის ქომაგები ფიქრობენ, რომ გუნდი ამ კუთხით საკმაოდ დიდ ფულს ფლანგავს. ასე მაგალითად, ერნესტ ვალვერდეს გაშვება, რომლის შემდეგაც გუნდში სწორედ კიკე სეტიენი მოვიდა „ბარსელონას“ 11 მილიონი ევრო დაუჯდა.
„ბარსელონას“ კიკე სეტიენისთვის კონპენსაციის გადახდა არ სურთა, რადგან თვლიან, რომ მან იმედები ვერ გაამართლა.
