23 თებერვალს ჩემპიონთა ლიგის საპლეიოფო დაპირისპირებები განახლდება. ბუქარესტში, „ატლეტიკო“ ნომინალური მასპინძლის რანგში „ჩელსის“ მიიღებს.
„როხიბლანკოს“ მეკარე იან ობლაკი თავის კოლეგა კეპაზე, რომელიც ლონდონური გუნდის ღირსებას იცავს აღმატებულ ხარისხში საუბარს არ ერიდება.
„ის შესანიშნავი მეკარეა. კეპა ძალიან მომწონდა, როდესაც ესპანეთში თამაშობდა და არც ინგლისში წასვლის შემდეგ შეურცხვენია თავი.
დიახ, ჩელსიში ბოლო ხანს მას შესაძლოა პრობლემები შეექმნა, მაგრამ ეს იმას არ ნიშნავს, რომ კარგი მეკარე არ არის. ადამიანები იმაზე ლაპარაკობენ თუ რა კოლოსალური თანხა გადაიხადეს მასში. ამით კიდევ ერთხელ დასტურდება, რომ კეპა მაღალი დონის პროფესიონალია.
მან კარგად იცის რა შეუძლია. წარმოუდგენელია მეკარეში ასეთი თანხა ისე გადაიხადო, მის შესაძლებლობებში დარწმუნებული არ იყო. ვფიქრობ, ამ ეტაპზე ის დაუფასებელია, თუმცა თავის სიტყვას კიდევ არაერთხელ იტყვის“ – ამბობს იან ობლაკი.
