კოსტა-რიკის ნაკრები უმწვრთნელოდ დარჩა. ეს ამბავი დიდად არ შეგვაწუხებდა და არც დროს დავუთმობდით რომ არა ერთი ფრიად მნიშვნეოვანი გარემოება. ამბობენ, ამ საქმეში კეილორ ნავასის ხელი ურევიაო.
კოსტა-რიკის ნაკრებს ხოსე ლუის პინტო თავკაცობდა. გინდმა ბოლო 6 თამაშიდან 4 წააგო და 2 ფრედ ითამაშა. მწვრთნელიც ამ წარუმატებლობას შეეწირა.
„რეალის“ ყოფილი და ამჟამად „პსჟ“-ს მეკარის „ბრალეულობა“ კი იმაში იკვეთება, რომ მან თავის ეროვნულ ნაკრებს ეს თამაშები ძალით წააგებინაო.
კოსტა-რიკის ფეხბურთის ფედერაციის პრეზიდენტის ედუარდო ლის თქმით, მწვრთნელის კონტრაქტში იდო მუხლი, რომ თუ ნაკრები ზედიზედ 3 მატჩს წააგებდა მაშინ მას თანამდებობიდან გაათავისუფლებდნენ. კეილორ ნავასმა კი ფეხბურთელებს უთხრა, მოდით ბიჭებო ეს თამაშები წავაგოთო.
რა თქმა უნდა, კეილორ ნავასი ამ ამბავს აბსურდს უწოდებს და ნაკრების ფეხბურთელებთან ერთად ფედერაციიც პრეზიდენტს უჩივლა. საქმეც უკვე აღძრულია.
