ლოს ანჯელეს ლეიკერსის სუპერვარსკვლავმა ლებრონ ჯეიმსმა აღიარა, რომ მას ძალიან ეწყინა, როდესაც ბრუკლინ ნეტსის ვარსკვლავურმა მცველმა კაირი ირვინგმა განაცხადა, რომ კევინ დურანტი მისი პირველი თანაგუნდელია, რომელსაც შეუძლია გადამწყვეტი სროლა ანდოს.
ჯეიმსი და ირვინგი კლივლენდ კავალიერსში სამი სეზონის განმავლობაში თანაგუნდელები იყვნენ და სამი NBA-ს ფინალში ითამაშეს. დუეტმა 2016 წლის სუპერფინალებში შვიდმატჩიან დაპირისპირებაში გოლდენ სტეიტ უორიორსს აჯობა.
სწორედ ამ სერიის მეშვიდე მატჩის გადამწყვეტი სროლა შეასრულა კაირი ირვინგმა, რომელიც წარმატებული გამოდგა, ლებრონ ჯეიმსი კი ფინალების MVP გახდა.
კლივლენდი NBA-ს ისტორიაში პირველი გუნდი გახდა, რომელმაც ხსენებული დუეტის წყალობით ფინალურ სერიაში 3:1 ჩამორჩენა აღმოფხვრა.
მიუხედავად წარმატებისა, ირვინგს, სავარაუდოდ ლებრონთან თამაში არ სიამოვნებდა, რომელიც საბოლოოდ 2018 წლის ზაფხულში ლეიკერსში თავისუფალი აგენტის სტატუსით ლეიკერსში წავიდა. თუმცა სანამ ეს მოხდებოდა, „ძია დრიუმ“ 2017 წელს კავალერებს გაცვლა მოსთხოვა და ბოსტონის სელტიკსში გაუშვეს.
