„ჯოკერს“ ლებრონის გუნდი ძალიან მოსწონს!

დენვერ ნაგეთსის ცენტრმა ნიკოლა იოკიჩი, კარიერაში პირველად NBA All Star-ის სტარტერია და თავის გუნდში ლებრონ ჯეიმსმა აირჩია.

სერბს „მეფის“ მიერ შერჩეული სტეფ კარი, იანის ანტეტოკუნმპო და ლუკა დონჩიჩი ძალიან მოეწონა და ამაზე მცირე კომენტარიც გააკეთა.

„არ მოვიტყუები, ეს საკმაოდ კარგი გუნდია”, – განაცხადა „ჯოკერმა“.

ცოტა ხნით ადრე, იანის ანტეტოკუნმპომ დარწმუნებით განაცხადა, რომ დურანტის გუნდი მათთან უშანსოდაა.

მე, ლებრონი, ლუკა, იოკიჩი და სტეფი? ხალხო, ყველაფერი დასრულებულია, ეს სუპერხუთეულია”, – თქვა ლიგის ორგზის MVP-მ.

შეგახსენებთ, რომ კევინ დურანტმა კაირი ირვინგი, ჯეისონ ტეიტუმი, ჯოელ ემბიდი, კავაი ლენარდი და ბრედლი ბილი აირჩია.

სპეციალისტების უმრავლესობა სერბის და ბერძენის მოსაზრებას იზიარებენ, ლებრონის გუნდი უდავო ფავორიტად ითვლება. საინტერესოა, რომ ისტორიაში პირველად All Star-ის ერთი გუნდის სასტარტო ხუთეულში ევროპელები ჭარბობენ, ეს ლიგის გლობალიზაციაზე მიანიშნებს.