ლეგენდარული იტალიელი მეკარე ჯანლუიჯი ბუფონი „პარმაში“ დაბრუნებასთან ახლოსაა. Sky Sport-ის ცნობით, 43 წლის კიპერს ისეთ კლუბში გადასვლა სურს, სადაც მთავარი მეკარე იქნება.
„პარმა“ მომდევნო სეზონს სერია B-ში გაატარებს, მაგრამ იტალიელი ქვედა ლიგაშიც თამაშზეც თანახმაა. მას ცოტა ხნის წინ „ბარსელონა“ მეორე მეკარეობას სთავაზობდა, მაგრამ ესპანელები უარით გაისტუმრა, რადგან თამაში სურს.
ჯიჯის მიზანი 2022 წლის მუნდიალზე გამგზავრება და იტალიის ნაკრების განაცხადში მოხვედრაა (სამ მეკარეში). საგულისხმოა, რომ მსოფლიო ჩემპიონატზე გამზავრების შემხთვევაში, 43 წლის კიპერი ისტორიაში პირველი ფეხბურთელი გახდება, რომელსაც ექვს მუნდიალზე ექნება მონაწილეობა მიღებული. სწორედ ამის გამო, ბუფონისთვის სათამაშო პრაქტიკა სასიცოცხლოდ მნიშვნელოვანია.
ცნობისთვის, ჯიჯის საფეხბურთო კარიერა „პარმაში“ დაიწყო, რომლის ღირსებაც 1995-2001 წლებში 220 შეხვედრაში დაიცვა. შემდგომ „იუვენტუსში“ 19, პსჟ-ში კი ერთი სეზონი გაატარა. შეგახსენებთ, ბუფონს „იუვესთან“ კონტრაქტი 30 ივნისს ეწურება და 1 ივლისიდან თავისუფალი აგენტი ხდება. იტალიელი კარის დარაჯი მომავალთან დაკავშირებით საბოლოო გადაწყვეტილებას უახლოეს დღეებში მიიღებს.
