კავკასიის საერთაშორისო უნივერსიტეტის გუნდი ფუტსალში საქართველოს ჩემპიონი გახდა. ფინალურ სერიაში კსუ-მ თბილისის სახელმწიფო უნივერსიტეტი 3:1 დაამარცხა და ჩემპიონის ტიტული პირველად მოიპოვა.
ფინალური სერია სამ მოგებამდე იყო. კსუ თსუ-ს სამი მატჩის შემდეგ 2:1-ს უგებდა და მეოთხე დაპირისპირებაც დამაჯერებლად, 4:0 მოიგო. გოლები კახაბერ მაისაიამ, ნიკა ოთინაშვილმა, ლევან კობაიძემ და გიორგი ღავთაძემ გაიტანეს.
ჩემპიონობის შემდეგ, კსუ ახალი სეზონიდან საქართველოს ღირსებას ჩემპიონთა ლიგის საკვალიფიკაციო ეტაპზე დაიცავს.
