უფრო და უფრო ცოტა დრო რჩება ლეო მესის პსჟ-ში ტრანსფერამდე. რამდენიმე საათის წინ 34 წლის სუპერვარსკვლავი ბარსელონადან პარიზის მიმართულებით გაფრინდა და უახლოეს საათებში კლუბთან კონტრაქტს გააფორმებს.
ლეოს ტრანსფერთან დაკავშირებით ემოციები ვერ დამალა ნეიმარმა, რომელიც რამდენიმე წლის განმავლობაში მესისთან ერთად „ბლაუგრანაშიც“ თამაშობდა და ერთად ჩემპიონთა ლიგის მოგებაც შეძლეს. ნეიმ Instagram-ზე სთორი გამოაქვეყნა, წარწერით – „ისევ ერთად“.
თუ ვინმეს პსჟ-ს და მესის თანამშრომლობაზე ეჭვი კიდევ ეპარებოდა, ნეიმარის სთორიდან გამომდინარე უკვე დაზუსტებით შეიძლება ითქვას, რომ 34 წლის არგენტინელი ფეხბურთელი უახლოესი 2-3 წლის განმავლობაში სწორედ პარიზულ გრანდში ითამაშებს.
