ქალთა შორის, რომის მასტერის ჩემპიონი 19 წლის იგა სვიონტეკი გახდა. ახალგაზრდა და ნიჭიერმა პოლონელმა ჩოგბურთელმა ფინალში გამოცდილი ჩეხი კაროლინა პლიშკოვა დაამარცხდა.
ისე, მოგებაც არის და მოგებაც. რაც სვიონტეკმა პლიშკოვას გაუკეთა, ალბათ დამწყები ჩოგბურთელებიც ითაკილებდნენ და ვინძლო კორტისკენ აღარც გაეხედათ.
თავად განსაჯეთ, იგა სვიონტეკმა მეტოქეს ერთი გეიმიც არ მოაგებინა – 6:0, 6:0. არადა რომის მასტერსი ჩეხი მეჩოგნისთვის ძალზედ საყვარელი ტურნირია. პლიშკოვა აქ ფინალში ზედიზედ მესამედ გავიდა. 2019 წელს სულაც ჩემპიონი გახდა, შარშან კი გადამწყვეტი მატჩი სიმონა ჰალეპთან დათმო.
ამჯერად კი კოვზი ნაცარაში ჩაუვარდა. სვიონტეკმა ნამდვილი საჩოგბურთო გაკვეთილი ჩაუტარა, კორტიდან გააქრო და თავადაც მშვენიერი რომაული არდადეგები მოიწყო.
