იაპონიის სუმოს ასოციაციამ, იანვრის ჰაცუ ბაშოს პირველი ორი დღის განრიგი გამოაქვეყნა. ტურნირი 9-23 იანვარამდე ტოკიოში გაიმართება.
პირველ დღეს, 9 იანვარს ტოჩინოშინი დოჰიოზე მე-16 მაეგაშირა ცურიგიშოს დაუპირისპირდება. ტოჩინოშინს 30 წლის იაპონელი სუმოისტის წინააღმდეგ ურთიერთშეხვედრებში დადებითი ბალანსი აქვს.
ლევანი ბაშოს მე-2 დღეს იჩიამამოტოს შეხვდება, რომელმაც ნოემბერში ჯურიოს დივიზიონი მოიგო და ელიტაში დაბრუნდა.
იანვრის ბაშოზე ტოჩინოშინმა აუცილებლად დადებითი ბალანსი უნდა დააფიქსიროს, წინააღმდეგ შემთხვევაში დიდი ალბათობით ჯურიოს დივიზიონში დაქვეითდება.
