მსოფლიო ჩემპიონატის საკვალიფიკაციო ეტაპის სასტარტო მატჩში, ჯვაროსნები სტოქჰოლმში ზლატან იბრაჰიმოვიჩის შვედეთთან 0:1 დამარცხდნენ. მიუხედავა წაგებისა, ენა არავის მოუბრუნდება დაცვის რგოლზე რაიმე აუგი თქვას.
განსაკუთრებით მოწოდების სიმაღლეზე იდგა ნაკრების გამოცდილი მცველი გურამ კაშია. მატჩის შემდეგ ვიცე-კაპიტანი შედეგით ბუნებრივია იმედგაცრიებული იყო, რადგან თვლის, რომ ჯვაროსნები მინიმუმ ფრეს მაინც იმსახურებდნენ.
„წავაგეთ და აქედან გამომდინარე შედეგით ბედნიერი ვერ ვიქნები. ვთვლი, რომ მინიმუმ ქულას მაინც ვიმსახურებდით, რადგან ცუდად არ გვითამაშია.
ნაკრებში რამდენიმე დებიუტანტი გვყავს და მინდა მათ მივულოცო. მთლიანობაში კარგი მატჩი ჩაატარეს. მოსამზადებლად ცოტა დრო გვქონდა. სულ ორი სრულფასოვანი ვარჯიშის გამართვა მოვასწარით.
საკმარისი მომენტები გვქონდა იმისთვის, რომ გოლი გაგვეტანა. გუნდში ახალი მწვრთნელი და ახალი ენერგიაა. ვფიქრობ, დაცვაში კარგად ვითამაშეთ და მწვრთნელის დავალებები ზედმიწევნით შევასრულეთ“ – აღნიშნა გურამ კაშიამ.
