„ბარსელონა“ და „იუვენტუსი“ დიდი გაცვლის განხორციელებას გეგმავენ. ამის შესახებ როგორც ესპანური, ასევე იტალიური მედია იუწყება.
კატალონიურ გრანდს პაოლო დიბალას ხელში ჩაგდება სურს. „ბარსელონას“, არგენტინელი ფორვარდის გადაბირება წინა ზაფხულს და ამ ზამთრის სატრანსფერო ფანჯრის პერიოდშიც უნდოდა, მაგრამ საქმე ვერ მოკვარახჭინდა. ახლა კი ჟოან ლაპორტამ სხვა ხერხს მიმართა.
მოკლედ, ესპანური გუნდი მზად არის დიბალას სანაცვლოდ „იუვენტუსს“ ანტუან გრიზმანი დაუთმოს. „ბარსელონას“ ბოსები ფრანგი შემტევის გარჯით დიდად კმაყოფილები არ არიან და ამიტომაც გადაწყვიტეს მისგან სარგებელი სხვა მხრივ ნახონ – გაცვალონ დიბალაში.
თავისმხრივ ამ როქის წინააღმდეგი არც იუვენტუსია“, მითუფრო, რომ პაოლო დიბალამ ბოლო ხანს გუნდის ძირითად შემადგენლობაშიც დაკარგა ადგილი. როგორც ვარაუდობენ თუ მხარეები საბოლოოდ ყველაფერზე შეთანხმდებიან მაშინ ეს გაცვლა ამ ზაფხულს მოხდება.
ანტუან გრიზმანის სატრანსფერო ფასი 60 მილიონი ევროა. მან 2020/21 წლების სეზონში „ბარსელონას“ რიგებში 39 მატჩში 13 გოლი გაიტანა.