როგორც იქნა, გოგა ბითაძემ პეისერსის მთავარ მწვრთნელ ნეიტ ბიორკგრენისგან მეტი სათამაშო დრო დაიმსახურა.
ახალგაზრდა ქართველმა ბულსთან 97:113 წაგებულ მატჩში 19 წუთი მიიღო და თავი ნამდვილად არ შეურცხვენია. გოგამ 4 ქულა, 3 მოხსნა, 6! შედეგიანი გადაცემა, 1 ჩაჭრა და 3 დაფარება დააგროვა.
keep fighting 👏 pic.twitter.com/lxbAmjJSgq
— Indiana Pacers (@Pacers) April 7, 2021
აღსანიშნავია, რომ გოგასთვის 6 ასისტი ჯერჯერობით NBA-ში სარეკორდოა, თუმცა თუ პროგრესს გააგრძელებს მისგან გაცილებით მეტსაც ველოდებით.
როგორც უკვე იცით, პეისერსს ტრავმის გამო მთავარი ლიდერი დომას საბონისი აკლია და სამწუხაროდ გუნდს იგივე მიზეზით მაილს ტერნერიც გამოაკლდა. თუმცა ეს გოგას ერთგვარი შანსია, რომ ბოლო დროის პროგრესის ფონზე, მეტი სათამაშო დრო მიიღოს და ბევრი რამ დაამტკიცოს.
