ტოკიოში მიმდინარე პარალიმპიური თამაშების დღევანდელი საშეჯიბრო დღე ქართველი პარასპორტსმენებისთვის წარუმატებელი გამოდგა.
ძიუდოს ტურნირზე მონაწილეობას ორი პარასპორტსმენი, 60 კგ წონით კატეგორიაში ზურაბ ზურაბიანი და 66 კგ წონით კატეგორიაში გიორგი გამჯაშვილი იღებდნენ, თუმცა სამწურხაროდ, მედლის მოპოვება ვერ შეძლეს.
მედლის მოპოვებასთან ყველაზე ახლოს გიორგი გამჯაშვილი იყო, რომელმაც მესამე ადგილისთვის ბრძოლაში იჭიდავა, თუმცა იაპონელ მეტოქესთან იპონით დამარცხდა. არა და თავიდან, ქართველი პარაძიუდოისტი ვაზარით იგებდა, შემდეგ კი მეტოქისგან ორი გდება გაუშვა.
რაც შეეხება ზურაბიანს, ის ასპარეზობას პირველივე წრეში გამოეთიშა.
ამ დრომდე საქართველოს დელეგაციის ანგარიშზე ჯერჯერობით ერთი მედალია. 25 აგვისტოს ეტლით ფარიკაობაში ნინა თიბილაშვილმა ვერცხლის მედალი მოიპოვა.
