გერმანიის მეორე ბუნდესლიგაში, “ჰამბურგმა” “ჰეიდენჰეიმს” უმასპინძლა და 2:0 დაამარცხა.
გიორგი ჩაკვეტაძე, მატჩში 66-ე წუთზე ჩაერთო და მოედანზე საკმაოდ კარგი შთაბეჭდილება დატოვა. გიოს შეფასება შეფასება 7.1 გამოვიდა, რაც ორივე გუნდის შემადგენლობაში ერთ-ერთი საუკეთესო მაჩვენებელი იყო.
მატჩის დასრულების შემდეგ, გიორგი ჩაკვეტაძემ პრესტიჟულ გამოცემა, BILD-თან ისაუბრა.
“გულშემატკივრების ეს ჟესტი სასიამოვნოა. მატჩის დასრულების შემდეგ მათ ჩემი მაისური ვაჩუქე. ეს სასიამოვნო იყო, თუმცა ყველაზე მნიშვნელოვანი გამარჯვებაა. “ჰამბურგში” თავს კომფორტულად ვგრძნობ. ჩვენი მთავარი მიზანი ყველა თამაშის მოგება და ბუნდესლიგაში გადასვლაა.
ბელგიაში ბოლო თვეებში ცუდი პერიოდი მქონდა. მინდორზე 90 წუთი დიდი ხანია არ გამიტარებია და ამისთვის ჯერ მზად არ ვარ. ფიზიკურ კონდიციებზე აქტიურად ვმუშაობ და ვფიქრობ, რომ სულ ცოტა ხანში 45 წუთის სათამაშოდ სრულიად მზად ვიქნები”, – განაცხადა გიორგიმ.
