გერმანული ფეხბურთის ლეგენდა, გერდ მიულერი 75 წლის ასაკში გარდაიცვალა.
“დღეს მიუნხენის “ბაიერნი” დამწუხრებულია. გერმანიის რეკორდსმენი ჩემპიონები და მათი ქომაგები გერდ მიულერს გლოვობენ, რომელიც კვირას დილით გარდაიცვალა 75 წლის ასაკში”, – ნათქვამია მიუნხენელთა განცხადებაში.
ჯერჯერობით გარდაცვალების ზუსტი მიზეზი არ არის ცნობილი, თუმცა 2015 წელს, მიუნხენის ბაიერნის გავრცელებული ინფორმაციის თანახმად, გერმანელ ვეტერან ფეხბურთელს ალცჰაიმერის დაავადება აწუხებდა.
გერდ მიულერს გერმანული კლუბის მაისურით 607 შეხვედრაში 566 გოლი აქვს გატანილი. გერმანიის ეროვნულ ნაკრებში მან 62 შეხვედრაში 68 გოლის გატანა შეძლო. მან 4-ჯერ მოიგო ბუნდესლიგა, სამჯერ ევროპის ჩემპიონთა თასი, გერმანიის ნაკრებთან ერთად კი 1974 წლის მსოფლიოს და 1972 წლის ევროპის ჩემპიონატები.
