20 მარტს, თელავში დიდი ვნებათაღელვისთვის ემზადებოდნე, რადგან კახეთის მთავარქალაქში ქართული ფეხბურთის ფლაგმანს უნდა ეთამაშა. არა, მატჩი მაინც შედგება, ოღონდ ოდნავ მოგვიანებით.
„თელავი“ და „დინამო“ ერთმანეთს ეროვნული ლიგის მეხუთე ტურის ეგიდით უნდა დაპირისპირებოდნენ, მაგრამ კახურ გუნდს ხელი ეპიდემიამ დარია. თელაველთა რამდენიმე ფეხბურთელს კორონავირუსი დაუდასტურდათ.
უეფას ახალი დებულებით, ნებისმიერ ვითარებაში თუ გუნდი მინიმუმ 11 ფეხბურთელს მაინც აგროვებს მატჩი უნდა გაიმართოს, თუმცა მოწინააღმდეგე კლუბის თანხმობის შემთხვევაში გადადება პრობლემას არ წარმოადგენს.
ერთპიროვნულად მატჩს ვერც საქართველოს ფეხბურთის ფედერაცია გადადებდა. მათ თელაველებს „დინამოსთან“ უშუამდგომლეს და მოლაპარაკებებიც კახელებისთვის სასიკეთოდ დასრულდა. გიორგი ნემსაძის გუნდი მატჩის გადადებას დათანხმდა.
„თელავის“ და „დინამოს“ დაპირისპირება 26 მარტს გაიმართება.
