ლეო მესი “პსჟ” გადასვლასთან ახლოსაა. ინფორმაციას ESPN-ი ავრცელებს.
გამოცემის ცნობით, ლეო ახალ გუნდში სამედიცინო შემოწმებას დღეს საღამოს ან ხვალ დილით გაივლის.
ფრანგულ პრესაში დაიწერა, რომ მესი პარიზულ კლუბთან 3-წლიან კონტრაქტს გააფორმებს და სეზონში ხელფასის სახით 50 მილიონ ევროს მიიღებს.
შეგახსენებთ, რომ კატალონიურმა გრანდმა ხუთშაბათს 6 აგვისტოს ლეო მესის წასვლა ოფიციალურად დაადასტურა. მიუხედავად კლუბისა და ფეხბურთელის ორმხრივი სურვილისა, არგენტინელ სუპერვარსკვლავთან ახალი კონტრაქტის გაფორმება შეუძლებელი გახდა.
ლიონელ მესიმ ბარსელონასთან ერთად 35 ტიტული მოიგო და 778 ოფიციალურ მატჩში 672 გოლი გაიტანა.
