იყო დრო და არც ისე შორეულ წარსულში, როდესაც „ემპოლის“ რიგებში ლევან მჭედლიძე ირიცხებოდა. ქართველ ფეხბურთელს იტალიური გუნდის რიგებში 150 მატჩი აქვს გამართული და თავი 15 გატანილი გოლითაც გამოიჩინა, თუმცა მთლად ბოლომდე რიგზე მაინც რაღაც არ იყო. ნიჭიერ ქართველ ფორვარდს ხშირად ტრავმები ტანჯავდა.
მჭედლიძე და „ემპოლი“ უკვე წარსულია, აწმყო კი ის არის, რომ ამ პატარა გუნდმა თავისი ქომაგები უზომოდ გაახარა და სერია ა-ში აღზევდა.
ტოსკანიური გუნდი სერია ბ-ში მთელი სეზონის მანძილზე დამაჯერებლად და სტაბილურად ასპარეზობდა. შესაბამისად, რჩეულებშიც 2 ტურით ადრე დამსახურებულად აღზევდა.
„ემპოლი“ სერია ა-ს ორი წლის შემდეგ ისევ უბრუნდება.
