შინაგან საქმეთა სამინისტრომ ძალიან სამწუხარო ამბავი გაავრცელა. თბილისში ძმის მიერ მოკლული ახალგაზრდა ბიჭი მიშო ახლოურია, რომელიც საფეხბურთო კლუბ გაგრაში ირიცხებოდა.
ოფიციალური ინფორმაციით, მიზეზი ურთიერთშელაპარაკებაა. დაპირისპირება ძმებს შორის გვიან ღამით დაიწყო. დაჭრილი საავადმყოფოში გადაიყვანეს, თუმცა მისი გადარჩენა ვერ მოხერხდა.
შსს-ს განცხადებაში ვკითხულობთ:
შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1999 წელს დაბადებული გ.ა. ოჯახის წევრის მიმართ ჩადენილი განზრახ მკვლელობის ბრალდებით დააკავეს.
დანაშაული 7-დან 15 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა ძმას – 2001 წელს დაბადებულ მ.ა.-ს, ურთიერთშელაპარაკების ნიადაგზე, ცივი იარაღის გამოყენებით სხეულზე ჭრილობა მიაყენა.
დაჭრილი მამაკაცი სასწრაფო სამედიცინო დახმარების ჯგუფმა საავადმყოფოში გადაიყვანა, თუმცა მისი გადარჩენა ვეღარ მოხერხდა.სამართალდამცველებმა დანაშაულის ჩადენის იარაღი – დანა ნივთმტკიცებად ამოიღეს.
ოჯახის წევრის მიმართ ჩადენილ განზრახ მკვლელობის ფაქტზე გამოძიება საქართველოს სსკ-ის 11 პრიმა-108-ე მუხლით მიმდინარეობს.
მისი მეგობარი ყვება, რომ 1 თვეში მიშო ახლოური საფრანგეთში, ერთ–ერთ საფეხბურთო კლუბში სინჯებზე მიემგზავრებოდა. ის ჯგუფურად მოკლული გიორგი შაქარაშვილის ახლო მეგობარი იყო.
ბრალდებული უკვე დაკავებულია. გამოძიება 108-ე, განზრახ მკვლელობის მუხლით მიმდინარეობს და ბრალის დამტკიცების შემთხვევაში დაკავებულს 7-დან 15 წლამდე პატიმრობა ემუქრება.
Prime Sport საბურთალოს ხელმძღვანელობასთან დაკავშირებას ცდილობს, ვეცდებით ამ ამბავზე სიახლე კიდევ მოგაწოდოთ.
