პირველადი ინფორმაციით ეს „თელავის“ და დინამოს დაპირისპირება უნდა გადადებულიყო, რადგან კახურ გუნდში რამდენიმე ფეხბურთელს კოვიდი დაუდასტურდა. თელაველებმა „დინამოს“ თხოვნით მიმართეს მატჩის 26 მარტისთვის გადადებაზე, რაზეც თანხმობა მიიღეს, თუმცა საბოლოოდ დაპირისპირება მაინც გაიმართა და სტუმართა უპრებლომო გამარჯვებით 3:0 დასრულდა.
წყვილის ფავორიტად ისედაც „დინამო“ ითვლებოდა და ახლა მითუფრო, როდესაც მასპინძლებს რამდენიმე ძირითადის ფეხბურთელი აკლდა.
მიუხედავად დანაკლისისა „თელავმა“ პირველი ტაიმი მაინც გაძლო, მაგრამ მეორეში უკვე თავს ზემოთ ძალა აღარ იყო და მიჯრით 3 გოლი გაუშვა. გოლები „დინამოს“ ლეგიონერებმა მარუშიჩმა, სპორკსლენდმა და რადინმა გაიტანეს.
ეროვნული ლიგა 3 აპრილს განახლდება, რადგან წინ სანაკრებო პაუზაა. „დინამო“ გორის „დილას“ უმასპინძლებს, ხოლო თელაველები საბურთალოს დაუპირისპირდებიან.
