ეროვნული ლიგის 26-ე ტურში გათამაშების ლიდერმა “დინამო ბათუმმა” შინ წყალტუბის “სამგურალი” 3:0 დაამარცხა.
პირველი ტაიმში საგოლე მომენტები პრაქტიკულად არ შექმნილა, მაგრამ ანგარიში ტაიმის მიწურულს 44-ე წუთზე ჯაბა ჯიღაურმა გახსნა და სეზონში მე-10 გოლი გაიტანა.
ბათუმელთა უპირატესობა მე-2 ტაიმში კიდევ უფრო გაიზარდა. 52-ე წუთზე ჯოვინოს პასით ვლადიმერ მამუჩაშვილმა შეძლო წყალტუბოელთა კარის აღება, მერე კი სანდრო ალთუნაშვილმაც გამოიჩინა თავი და მატჩის საბოლოო ანგარიში დააფიქსირა 3:0.
“დინამო ბათუმი” 56 ქულით პირველ პოზიციაზე დამაჯერებლადაა, “სამგურალი” კი 34 ქულით მე-6 საფეხურზეა.
მომდევნო ტურში გეგუჩაძის გუნდი 29 სექტემბერს, გორის “დილას” დაუპირისპირდება. “სამგურალი” კი შინ ქუთაისის “ტორპედოს” უმასპინძლებს.
