დანა უაიტი, არაერთი მებრძოლისთვის დანის გამოსმას გეგმავს. პირველი, ვინც მის კლანჭებში მოჰყვა კუბელი სპორტსმენი იოელემ რომეროა.
UFC-ის მოყვარულებისთვის უაიტის წარდგენა საჭირო არ უნდა იყოს. ის, წლების მანძილზე UFC-ის პრეზიდენტის თანამდებობას იკავებს და სპორტის ამ სახეობისთვისაც ბევრი აქვს გაკეთებული. ახლა კი, როგორც ჩანს მან ძირეული წმენდაც დაიწყო და არაერთ სპორტსმენთან დამშვიდობებას გეგმავს. დასაწყისისთვის 43 წლის რომერო შეარჩია, რომელიც ბოლო პერიოდში საშუალო დივიზიონში მეხუთე ადგილს იკავებდა.
„საქმე მხოლოდ რომეროში არ გახლავთ. ის მართლაც მაღალი დონის პროფესიონალია და ეს საქმითაც დაუმტკიცებია, მაგრამ მუდამ ოქტაგონზე ვერ იქნები. რომერო უკვე 43 წლის არის და ბოლო 5 ბრძოლიდან 4 უშანსოდ წააგო. ასეთ დროს ჩვენი იმიჯიც ეცემა. დიდ წმენდას ვგეგმავთ. 2020 წლის ბოლომდე ალბათ 60-მდე მებრძოლს დავემშვიდობებით“ – ამბობს დანა უაითი.
UFC-ის პრეზიდენტმა, კიდევ ერთ მნიშვნელოვან საკითხზე გაამახვილა ყურადღება. მისი თქმით, ის გეგმავ ჰაბიბ ნურმაგომედოვს შეხვდეს და ოქტაგონზე დაბრუნებაში დაარწმუნოს. გეცოდინებათ, მამის გარდაცვალების შემდეგ, დაღესტნელმა მებრძოლმა, რომელსაც კარიერაში არასოდეს წაუგია, დიდი სპორტიდან წავლის შესახებ განაცხადა.
