ვისთვის როგორ. გემოვნებაზე არ დავობენო უთქვამთ, თუმცა შესაძლოა ყველაზე ბევრს სწორედ ამ საკითხზე კამათბდნენ. ზოგს მღვდელი მოსწონს, ზოგს კიდევ მღვდლის ცოლიო.
სპორტშიც ასეა. აზრთა სხვადასხვაობაა ამა თუ იმ ათლეტის უნიკალურობაზე. ვიღაცას თვლის რომ ლიონელ მესია საუკეთესო, ზოგისთვის რონალდუა ყველაზე მაგარი.
შერეული ორთაბრძოლების მოყვარულებიც ამ მხრივ გამონაკლისები არ არიან. ბევრს კონორ მაკგრეგორზე ამოსდის მზე და მთვარე, ალბათ უფრო მეტს ჰაბიბ ნურმაგომედოვზე და ა.შ.
UFC-ის პრეზიდენტს დანა უაიტს კი სულ სხვა მოსაზრება აქვს. ის, დაღესტნელ მებრძოლს სპორტის ამ სახეობაში ყველა დროის საუკეთესოდ არ მიიჩნევს. უაითი თვლის, რომ ყველაზე გამორჩეული ამერიკელი ჯონ ჯონსია.
ჯონ ჯონსმა ჩემპიონის ქამარი 23 წლის ასაკში შემოირტყა და ამ მხრივ UFC-ის ყველაზე ახალგაზრდა გამარჯვებული გახდა. მან ჯამში 28 ბრძოლა გამართა და 26 მოიგო. მან მსოფლიო ჩემპიონის ტიტული 8-ჯერ დაიცვა.
