„უჩვეულო შეგრძნებაა. მომტატრებია კორტზე გასვლა და მითუფრო გამარჯვებებით გამოწვეული სიხარულის განცდა. შესანიშნავი შეგრძნებაა, თუმცა ეს მოგება რთული იყო. საკუთარი თავით შემიძლია კმაყოფილი ვიყო, რადგან ბოლომდე ვიბრძოლა. არ დაგავიწყდეთ, წელიწადზე მეტი გამიცდა, ეს კი ცოტა დრო არ არის“ – ამბობს ბიანკა ანდრეესკუ.
მსოფლიოს მერვე ჩოგნის მიმართ ეს ყურადღება ამ ეტაპზე შესაძლოა არც ჩვენ და არც უცხოურ მედიას არ გამოეჩინა, რომ არა მისი კორტზე ხანგრძლივი უქმობის შემდეგ დაბრუნება. თან იმასაც ნუ დავივიწყებთ, რომ კანადელი ჩოგბურთელი 2019 წლის ამერიკის ღია პირველობის ჩემპიონია.
მოკლედ, ბიანკა ანდრეესკუ ტრავმის გამო გამოწვეული 467 დღიანი უქმობის შემდეგ დიდ ჩოგბურთს პირდაპი მელბურნში, წლის პირველ მეიჯორზე დაუბრუნდა და წარმატებითაც.
ანდრეესკუმ ავსტრალიის ღია პირველობის პირველ წრეში რუმინელი მიქაელა ბუზერნესკუ სამ სეტში – 6:2, 4:6, 6:3 დაამარცხა.
ვნახოთ, როგორ გაგრძელდება კანადელი ჩოგბურთელის მელბურნული ვოიაჟი.
