12 ოქტომბერს, კოსოვოს ნაკრების წინააღმდეგ საქართველოს ნაკრებს გიორგი ჩაკვეტაძე ვერ დაეხმარება.
გავრცელებული ინფორმაციით, ახალგაზრდა ფეხბურთელს სასუნთქი გზების მწვავე ინფექციის ნიშნები აღმოაჩნდა, რის გამოც გუნდთან ერთად პრიშინაში ვერ გაემგზავრა.
ჩაკვეტაძის გარდა საქართველოს ნაკრებს დისკვალიფიკაციის გამო გიორგი აბურჯანია და ჯაბა კანკავაც დააკლდებიან.
შეგახსენებთ, რომ შეხვედრა თბილისის დროით 22:45 საათზე გაიმართება.
