კონორ მაკგრეგორსა და დასტინ პიორეს შორის აბუ-დაბიში გამართულ ბრძოლას სპორტის ამ სახეობის მოყვარულები ხელის ფშვნეტით ელოდნენ, მაგრამ ბევრს ალბათ იმედები გაუცრუვდა. ირლანდიელი მებრძოლის დიდ სპორტში მესამედ დაბრუნება მისთვის უიღბლო გამოდგა. ამერიკელმა პიორემ ისე ლაზათიანად მიბეგვა და მეორე რაუნდში ნოკდაუნში გაუშვა.
ამ ბრძოლის შემდეგ, UFC-ის პრეზიდენტმა დანა უაითმა კომენტარი გააკეთა, თუმცა ყურადღება არა კონორზე და პიორეზე, არამედ ჰაბიბ ნურმაგომედოვზე გააკეთა.
„დიახ, მე ჰაბიბს ველაპარაკე. მან მითხრა – „დანა, იყავი საკუთარ თავთან გულწრფელი და აღიარე, რომ ორივეზე გაცილებით ძლიერი ვარ. მე მათ შევჭამ და ეს შენც კარგად იცი“. ჰაბიბი მართლაც იდეალური მებრძოლია და მისი დაბრუნება მართლაც შთამბეჭდავი იქნებოდა, მაგრამ ეს სიტყვები ცოტა ქედმაღლურად მეჩვენა. „არ ვიცი ჰაბიბ, შესაძლოა მართლაც ორივე ცემო, მაგრამ ყურს ცუდად ხვდება. ლამაზად არ ჟღერს“ – ვუპასუხე მე“ – ამბობს დანა უაითი.
