იაპონიის დედაქალაქ ტოკიოში წლის პირველი სუპერტურნირი ჰაცუ ბაშო გრძელდება.
ტურნირის მეოთხე დღეს, ქართველი ლევან გორგაძე მისთვის უხერხულ მეტოქეს, შოთა ენდოს დაუპირისპირდა და მეტოქე ძალიან დაძაბულ ბრძოლაში იორიკირით დაამარცხა.
ენდომ თავიდან ძალიან კარგად დაიწყო, ის გამარჯვებასთან ახლოს იყო, თუმცა ლევანმა მობილიზება მოახერხა და ბალანსი გაინულა (2:2).
ხვალ მეოთხე მაეგაშირა ტოჩინოშინის მეტოქე ოძეკი ასანოიამა იქნება, რომელთანაც ბალანსი 2:4-ზე აქვს და პრინციპული მეტოქეა. ყველას კარგად გვახსოვს მათი სკანდალური დაპირისპირება, რითაც ტოჩის იუშო დაათმობინეს.
